Друштвено Аргентинско танго е партнерски танц со потекло од Уругвај па Буенос Аирес, Аргентина.
За разлика од кореографските сценски изведби, социјалното друштвено танго се танцува опуштено и на импровизирачки начин на друштвените собири наречени - Милонга. Оваа техника ја нагласува поврзаноста, комуникацијата и способноста да се движите како едно со партнерот во ритамот на традиционалната танго музика.
Придобивките од социјалното аргентинско танго:
Подобрено физичко здравје: Ја подобрува рамнотежата, координацијата и држењето на телото додека обезбедува умерен кардиоваскуларен тренинг.
Ментална стимулација: Будност и голем фокус, брзо донесување одлуки и приспособливост бидејќи танго настапувачите мора постојано да го толкуваат и да реагираат на водењето или следењето на нивниот партнер.
Емоционална врска: Промовира чувство на доверба и поврзаност преку блиска прегратка и синхронизирано движење со партнерот.
Социјална интеракција: Гради чувство за заедница и нуди можности за запознавање нови луѓе и развивање пријателства.
Ослободување на стресот: Изучувајќи ја оваа техника со комплетен фокус како ново искуство може да го намали стресот и да ја зајакне целокупната благосостојба.
Социјалното танго е и уметничка форма и радосен, интерактивен начин за подобрување на здравјето и благосостојбата.
