Специјално дизајнирана програма која се прилагодува на различните фази на бременоста и на потребите на жените кои се подготвуваат за забременување. Оваа форма на јога помага на жените да го одржат своето физичко и ментално здравје, истовремено подготвувајќи се за породувањето и мајчинството.
Групи и карактеристики
Група 1: Жени со бременост од 1 до 3 месеци
Вежбите се фокусираат на нежно зајакнување на телото, подобрување на циркулацијата и ублажување на утринските мачнини.
Техники за дишење и релаксација се воведуваат за да се намали стресот и да се поттикне позитивна ментална состојба.
Акцент се става на зајакнување на карличните мускули и подобрување на флексибилноста.
Група 2: Жени со бременост од 3 месеци нагоре (и жени во процес на забременување)
Вежбите се насочени кон одржување на мобилноста и намалување на болките во грбот и отокот во нозете.
Вежби за стабилност и држење кои го олеснуваат зголемениот притисок на телото.
Техники за подготвување за породување, вклучувајќи специјализирани вежби за дишење и релаксација.
Жените во процес на забременување практикуваат вежби за зголемување на циркулацијата, релаксација и хормонален баланс.
Придобивки од јога за трудници:
Физички придобивки: Ги намалува болките во грбот, вкочанетоста и грчевите во мускулите. Ја зголемува флексибилноста и ја одржува силата на мускулите. Го подобрува држењето и помага во балансот при зголемената тежина. Го олеснува дишењето и ја зголемува издржливоста потребна за породување.
Ментални придобивки: Помага да се намалат стресот, анксиозноста и емоционалните промени. Ги поттикнува концентрацијата и менталната подготвеност за породување. Создава чувство на поврзаност со бебето преку свесност за телото.
Подготовка за породување: Учење техники за релаксација и управување со болката. Развивање на способноста за смирување и фокус во стресни моменти
За жени во процес на забременување: Го подобрува протокот на крв во карличниот регион, што може да ја зголеми плодноста. Ги намалува стресот и напнатоста кои може да влијаат врз забременувањето.
За кого е наменета?
Жени во сите фази на бременост.
Жени кои имаат нормална бременост без компликации (секогаш со претходна консултација со доктор).
Жени кои се во процес на забременување или се подложени на третмани за плодност.
Жени кои сакаат да одржат активен и здрав начин на живот додека го слушаат своето тело.
Јогата за трудници не само што не е штетна, туку е и неопходна за подобро физичко, ментално и емоционално здравје во еден од најубавите периоди од животот.
